MOVE Herbstlager

Mir gönd is Herbschtlager! Eus erwartet e Wuche voll Tüüfgang. Gueti Gspröch. Fun. Action. Sport. Usflüg. Workshops. Und no vilmeh chasch du da erläbe. Mir reded über Jesus und über d Bible. Und mir lerned ihn besser känne, wer er isch und was er mit eus ztue het. Mir glaubed, dass Jesus ganz gueti Antworte uf die grosse Frage vom Läbe git. Sogar die beschte Antworte. Und dasses sich drum für jede Teenager lohnt, sich mit ihm z beschäftige.

Wo gahts ane?
Uf Obersaxe is Graubünde. Mir händ det es cools Lagerhuus mit eigenem Sportplatz direkt vor de Huustüür come on!

Was mached mer da?  
Am Morge gits jewils verschideni Workshops. Da chasch du usläse was du wetsch mache. Vo kreativ über gmüetlich bis sportlich und sogar lustig dämlich isch da so zimlich alles debi. Am Nami mached mer jewils als ganzi Gruppe was - es Game, en Usflug oder so. Und am Abig gits es Abigplenar mit Theater, Musig, Bible läse und Inputs. Es wird voll cool!

Für wen?
S MOVE organisiert s Herbstlager. Ab de 6. Klass dörfsch mitcho. Und offiziell gaht s MOVE bis zum Endi vode 10. Klass. Mir nämed aber grad s Endi nöd so strikt... wenn du scho älter bisch und Bock druf hesch bisch herzlich ihglade zum au debi si. 

Nur für Insider?
‍Nei! Du dörfsch gern au debi si, wenn dir Jesus nöd vil seit und du nöd Teil vonere Chile bisch. Mir isch aber wichtig dass du weisch uf was du dich ihlasch wenn du mitchunnsch: Mir reded vil über Jesus. Und mir fiireds Jesus nachezfolge. Du weisch also was uf dich zuechunnt.

Was choschtets?
CHF 250.- es wahrs Schnäppli!

Gits en Ahmäldeschluss? 20.09.. Aber wart nöd bis denn und mäld dich am beschte grad jetzt ah woop wooop wooooop!

Ich han Frage...
Denn mäld dich! Simon Schweyer 077 412 88 17 oder simon.schweyer@feg-wetzikon.ch