FEG YOUTH Homecamp

Verbring e Wuche mit andere Jugendliche ide FEG Wetzike. Gnüss d Gmeinschaft, tüüfi Gspröch, feins Ässe, guete Kafi, Schlafmangel, Energydrinks und no vilmeh. Homecamps sind glaubs die Wuche wo die dümmste und lustigste Ideä eus in Sinn chömed. Und es paar devo au umgsetzt wärded. Glichzitig sinds die Wuchene, wo mir vil Ziit mitenand und mit Jesus verbringed. Und es isch min Traum, dass du i dere Wuche Gottes Gägewart gspürsch. Und dass du erfüllt wirsch vo sinere Liebi und Freud. Und dass du im Glaube a Jesus Christus gstärcht wirsch. Chum au. Das wird es Fäscht!

Tagsüber gahsch du go schaffe. Oder wenn du frei häsch hilfsch ade Chinderwuche vode FEG Wetzike (churz: KIWO) mit. Für alli wo frei händ gits am Morge jewils e chlini cooli Aktivität. Und am Nami sind mer denn mit de Chinde unterwägs. Und am Abig gits jewils en Moment wo mir mitenand vor Jesus chömed: zäme worshipped, fürenand bätet und Bible läsed.

Start: Sunntignamitag, 19. April, 17 Uhr
‍Endi: Sunntigmorge, 26. April 9.30 Uhr
‍Choste: 10.- pro Tag oder 50.- fürs ganze Homecamp. Bring de Betrag bitte Ahfangs Wuche in Bar mit.
‍Für wen: 12-25 Jahr alt (MOVE teeniechile 12-16J und WINNERS jungi Erwachseni 16-25J.). Du bisch älter und willsch gern debi si? Mäld dich öb du chasch als Leiter cho :-).
‍Lagerleitig: Simon Schweyer, 077 412 88 17. Bi Frage wennd dich a mich.